a tupugraffia

A tupugraffìa hè l’arti di raprisintà un locu da u disegnu.

A TUPUGRAFFÌA

Aggruppemi sottu à quiddu tàrmini parechji tippi di missioni, ma si tratta anzi tuttu d’identificà è di rilivà a pusizioni si ditaglii naturali (rilievu, vegetazioni, vadinali, …) o artificiali (custruzzioni, stradali, reti, …) d’una zona ditarminata.

A SPLUTAZIONI DI I DATI

Si pò spultà sti dati da ricaccià ni sfarenti infurmazioni è pruducia parechji sorti di ducumenti è risultati.

I RISULTATI

Curba di liveddu, pianu tupugràfficu, pianu d’internu, pianu di facciati, resu in trè dimensioni (com’è quiddu da veda in pian’ di daretu quì sopra), càlculi di vulumi di tarrazzamentu (svachi è riempii), evuluzioni di un rilievu o di un òpara in u tempu, prufilu in longu è in catarochju, etc.

DA SAPÈ NI DI PIÙ

Cunsulteti a noscia FAQ nantu a tupugraffìa.

COMU SI SVOLGHJA UN PRUGHJETTU TUPUGRÀFFICU?

A prima tappa hè sempri di fà un rilevu. Si tratta d’arrighjistrà i cuurdunnati, à più spessu in i 3 dimensioni, d’un certu nùmaru d’elementi prisenti nantu à u tarrenu, sicondu i bisogni di u prughjettu. Quissa pò includa u rilievu, a vegetazioni è a scuddiccia rimarchèvuli, a pusizioni di l’impresi di l’òpari è bastimenti, u stradali, i reti apparenti è suttarrati, i facciati, i tetti, etc.

Dopu si tratta di ritravaddà sti dati più o menu grussulani da renda li splutèvuli. Quissa inghjena à spessu l’acconciu di parechji ghjochi di dati, di cuntrulà li, nittà li, almanaccà li…

Eppò veni a scelta di u modu di riprisintazioni di i dati rilivati. Quissa si pò fà à piattu (da fà ni un pianu, una taddatura, un prufilu, …) è à casu da l’aiutu di una simbùlica adatta, o in 3 dimensioni, via un mutori di resu è di visualisazioni spicializatu.

In fini, si tratta di ricaccià (calculà, trascedda, ciarriddà…) i risultati chersi (rilievu, distanzi, superficii, vulumi, …) è di livrà li sottu a forma a più adatta à a dumanda di u clienti è à u so prughjettu.