Questions les plus fréquemment posées
Si vous le souhaitez, vous pouvez filtrer par expertise les questions-réponses affichées, à l’aide des boutons sur le côté gauche.
Se vò vuleti cunfidà ci un impiantu, ma chì ùn seti un prufissiunali, hè meddu à dumandà à u vosciu maestru d’òpara (architettu, impresariu, …) di cuntattà ci direttamenti. Saparemi accunsintà ci nantu à ciò chì si duvarà impiantà è i criterii da ritena. In tutti i casi, avaremi bisognu à colpu sicuru di u cartulaghju surghjenti DAO (in generali di tippu dwg) di u prughjettu, da fà i nosci càlculi è appruntà i dati è ducumenti d’impiantu.
Hè à spessu indispinsèvuli. Si u vosciu prughjettu cunsisti da custruiscia una pìccula rimessa à mezu à una parcedda d’un èttaru, u rìsicu d’avanzata nantu à una prupietà vicinanti hè da veru mìnimu. Ma da chì ci avvicinemi da i lìmiti, in casu d’incertezza nantu à quiddi, u prìculu cresci, ancu di più chì i permessi di custruiscia sò à spessu cuncipiti à pàrtesi di i cuntorni di parcedda mintuata nantu à u pianu cadastrali, chì hè solu indicativu è ùn dà nisuna guaranzìa. Di più, ùn ci voli micca à sminticà chì l’avanzata ùn hè sola u solu rìsicu. A trasgrissioni di una règula d’urbanìsimu (par indettu nantu à i pruspetti, vali à dì i distanzi minimali da rispittà in riguardu à i lìmiti) hè una antra pussibilità.
U costu di un impiantu hè variu, sicondu à ciò chì hè duamandatu : Nùmaru è natura di i segni da impiantà, impiantu pianimètricu solu o impiantu pianimètricu è altimètricu, pricisioni richiesta… Ma quissa firmarà mìnima in riguardu à u costu tutali di u prughjettu (menu di unu par centu in a maiò parti di i casi). Tinendu contu di i primuri, un impiantu fattu da un giumetru-spertu vi assicureghja chì i vosci bastimenti è acconci sarani rializati induva dèvini essa fatti, urientati quant’è privistu, à l’altezza bona, è cù a pricisioni richiesta. A ghjurisprudenza, puru essendu di più lena, ferma severa assai cù i casi – puru mìnimi – d’avanzata o di trasgrissioni di una règula d’urbanìsimu. Quant’è pà a limitera, u più sìmplici hè di cuntattà ci da dumandà ci un èstimu.
U costu di un rilevu tupugràficu hè varièvuli, chì dipendi di a superficia di u tarrenu, di a so pulizìa, di u liveddu di ditagliu aspittatu… Ma in a maiò parti di i casi, stu costu hè debuli debuli in riguardu di costu tutali di u prughjettu cuncirnatu (custruzzioni di una villà o di un immòbulu par indettu. U più sìmplici hè di cuntattà ci da dumandà ci un èstimu, chì vi daremi in 24 ori.
Se u statu di u tarrenu a parmetta, femi l’òpari di rilevu da cinqui à deci ghjorni aparti, è i piani tupugràffichi sò pronti in i 48 ori chì suvìtani. Pudemi intarvena di più in freccia s’eddu c’hè bisognu. Pò accada chì certi lìmiti di u tarrenu sìani dighjà limitati da parechji giumetri-sperti, da tandu a raccolta di l’archivii assuciati s’impona, è pò inghjinà un attempu in sopra più.
In u casu di un tarrenu da smachjà in anteprima, vi mittimi in rilazioni cù impresi spicializati, è demi istruzzioni di pulita à quidda chè vò scidditi.
L’intità chì gestìscini a vita di una cuprupietà sò principalmenti trè1.
- Prima, l’insemi di i cuprupietarii forma autumaticamenti ciò chì si chjama u Sindicatu di i cuprupietarii. Hè a parsona murali chì raprisenta a cuprupietà, è chì n’hè ghjuridicamenti rispunsèvuli. Hè dinò incaricatu di a cunsirvazioni è di l’amministrazioni di l’immòbulu è di i so parti cumuni. Par indettu, a vèndita di una parti cumuna sarà fatta in nomi soiu. I so dicisioni sò presi da tuttu o parti di i cuprupietarii aduniti in assemblea, sicondu i règuli stabiliti da a leghji.
- U Sìndacu di cuprupietà hè numinatu da u sindicatu di i cuprupietarii, è u raprisenta. Ni gestisci i finanzi, hè attentu à u statu bonu di l’immòbulu è arriguleghja tutti i quistioni amministrativi. N’hè in qualchì manera u bracciu drittu è cunsiglieru di u sindicatu di i cuprupietarii.
- U Cunsigliu sindicali, in fini, hè di regula un intarmidiariu trà u sindicatu di i cuprupietariiè u sìndacu. Cumpostu à spessu di trè (o di più) cuprupietarii eletti2, devi dinò cunsiglià u sindicatu di cuprupietarii nantu à certi punti specìfichi, in casu di travaddi urgenti par indettu, è li pò dà pricunizazioni nantu à altri sughjetti. Da nutà chì in certi casi, si pò francà di a furmazioni di un cunsigliu sindicali.
1 Ùn parlaremi micca quì di i sindicati sicundarii è di l’unioni di sindicati, di più rari.
2 D’altri parsoni cà i cuprupietarii poni raghjunghja u cunsigliu sindicali : cunghjunti, ascindenti è discendenti, assuciati…
L’intità chì gestìscini a vita di una cuprupietà sò principalmenti trè1.
- Prima, l’insemi di i cuprupietarii forma autumaticamenti ciò chì si chjama u Sindicatu di i cuprupietarii. Hè a parsona murali chì raprisenta a cuprupietà, è chì n’hè ghjuridicamenti rispunsèvuli. Hè dinò incaricatu di a cunsirvazioni è di l’amministrazioni di l’immòbulu è di i so parti cumuni. Par indettu, a vèndita di una parti cumuna sarà fatta in nomi soiu. I so dicisioni sò presi da tuttu o parti di i cuprupietarii aduniti in assemblea, sicondu i règuli stabiliti da a leghji.
- U Sìndacu di cuprupietà hè numinatu da u sindicatu di i cuprupietarii, è u raprisenta. Ni gestisci i finanzi, hè attentu à u statu bonu di l’immòbulu è arriguleghja tutti i quistioni amministrativi. N’hè in qualchì manera u bracciu drittu è cunsiglieru di u sindicatu di i cuprupietarii.
- U Cunsigliu sindicali, in fini, hè di regula un intarmidiariu trà u sindicatu di i cuprupietariiè u sìndacu. Cumpostu à spessu di trè (o di più) cuprupietarii eletti2, devi dinò cunsiglià u sindicatu di cuprupietarii nantu à certi punti specìfichi, in casu di travaddi urgenti par indettu, è li pò dà pricunizazioni nantu à altri sughjetti. Da nutà chì in certi casi, si pò francà di a furmazioni di un cunsigliu sindicali.
1 Ùn parlaremi micca quì di i sindicati sicundarii è di l’unioni di sindicati, di più rari.
2 D’altri parsoni cà i cuprupietarii poni raghjunghja u cunsigliu sindicali : cunghjunti, ascindenti è discendenti, assuciati…
U tàrmini « tantiemi » indetta simpliciamenti un nùmaru assuciatu à u vosciu lottu privativu (di fattu, u vosciu alloghju in a cuprupietà), è chì raprisenta à voscia quotaparti di i parti cumuni, sìa a voscia parti di cuprupietà. Si tratta chjaramenti di una forma di evaluazioni di u vosciu lottu pà rapportu à l’altri lotti di a cuprupietà. Issi tantiemi quantifichèghjani d’una parti i diritti di votu assuciati à un lottu, in u quatru di l’assemblei di cuprupietarii, è d’un’ antra parti u so tassu di participazioni à i càrichi (puntuali o riccurenti) liati à i parti cumuni è à i servizii cumuni. À modu cuncretu è par indettu, u prupietariu di un garasgiu sottu tarranu ùn participarà micca à i travaddi di rifatta di u tettu in prupurzioni finanziarii listessi cà quiddu chì pussedi un doppiu pianu (duplex) à l’ùltimu pianu cù vista nantu à u mari. In fini, si senti à spessu parlà senza difarenza di tantiemi è di milliemii, eppuru di deci-milliemii. Ciò chì si devi ritena, hè chì u tàrmini « tantiemi » hè genèricu. S’omu vi parla di milliemi, si tratta sempri di tantiemi, ma quissa significheghja chì issi tantiemi sò stati calculati nant à un tutali di milla.
Sti dui ducumenti indispinsèvuli à a nàscita è à a vita di a cuprupietà ani ughjettivi sfarenti.
Da simplificà l’affari, u statu discrittivu di divisioni allistineghja i lotti privativi è i parti cumuni, è ni ditaglia i caratterìstichi (accessu, pezzi, pianu, etc…). Includi dinò i famosi tantiemi di cuprupietà è i càrichi. U rigulamenti di cuprupietà, inquantu à eddu, fissa i reguli di vita di a cuprupietà. Definisci i cundizioni di l’usu di i parti privativi è di i parti cumuni.
