Découvrez quelques-unes de nos réalisations

Da circa u 1985 à u 1995, l’uffizziu à limitatu o ristabilitu1 tutti i lotti di i luttisciamenti di Sperone (Ciapilli, Falatte, Les Hauts de Sperone è Piantarella). Stu travaddu à longu andà ci parmetti di cunnoscia parfettamentu i lochi è d’avè una maestrìa tutali di i lìmiti di i lotti è di u situ. Cuntinuemi à travaddà ci à modu rigulari, da fà missioni fundarii è tupugràfichi, è à cumpiità di i nosci archivii ci parmetti d’intarvena in dimori è cundizioni meddi.

Sta cullaburazioni ci parmetta di mintuà unu di l’aspetti impurtanti di a prufissioni : l’archivii. In fattu, semi tinuti di cunsirvà li ab’eternu, al menu sinu à a ghjunta di un successori, chì li tuccarà ad’assicurà ni a priservazioni.

A cuprupietà « A Piana » hè una residenzadi 7 bastimenti, nantu à 7 liveddi, pà 191 lotti d’allughjamentu è di parcheghju. A rialisazioni di i ducumenti di cuprupietà assuciati c’hè stat cunfidata da u Logis Corse, in u quatru di una VEFA (vèndita in u statu futuru di cumpiimentu) risirvata par u più à primi-accedenti pà a so risidenza principali. Avemi dunqua travaddatu à pàrtasi di i piani d’architteti (internu è sternu) validati da u parmessu di custruiscia, da fà i piani di cuprupietà, ridattà u statu discrittivu di divisioni ritagliendu i lotti (natura, pezzi, accessi, etc…) è calculà i tantiemi di i partiti cumuni è di càrichi.

À l’uccasioni di travaddi di custruzzioni o d’accunciamentu, ùn hè rara di veda lìmiti sradicati, è chì semi chjamati à riimpiantà li.

A più anziana ustarìa di Purtivechju, l’Hôtel Holzer, chirìa metta in anda un prughjettu di rinnovu, è ci hà cunfidatu a rialisazioni di piani cumpletti di i so facciati è lucali, sìa 30 stanzi in più di i parti cumuni è di i zoni tècnichi è amministrativi. Pà un travaddu sìmulu, i tècnichi muderni di rilevu d’interiori inghjènani in generali l’usu d’apparechji ulta-ràpidi di raghji laser, issi strumenti si poni arrighjistrà centinai di millai di punti à siconda, dendu tandu una ristituzioni cumpletta di ditaglii d’un spaziu in trè dimensioni.

Un luttisciamentu ùn hè micca sempri l’òpara di un prumutori o di una cullettività. Prupietarii particulari voddini à li volti valurizà u so patrimoniu fundariu, fendu lotti. Ma à a difarenza di un prufissiunali di l’immobulariu, u prupietariu particulari à spessu ùn ammaestra micca i dimarchji è l’òblichi legali ch’inghjena un prughjettu sìmulu. U rolu di u giumetru-spertu hè, trà altru, d’assicurà un duveri di cunsigliu pà u so clienti. Bisogna à schjarià lu, ch’eddu pudessi piddà i so dicisioni in cunniscenza. Ma pà u purtatori di prughjettu inesperimentatu, chì ùn hè avezzu, par indettu, à i finezzi di u dirittu di l’urbanìsimu, bisognu à essa capacci di vulgarizà i cosi, cunsirvendu in tuttu l’essenziali. Quì, a spirienza è àa cumpitenza sò di primura.

In u quatru di un prughjettu di riqualificata di u so stradali, a cumuna di Prupià ci hà cunfidatu un certu nùmaru di rilevi tupugràfichi è di statu di i lochi di u stradali cumunali (stradi è cuntorni, tighjati, reti apparenti, mubilia pùblica, pedi di i bastimenti) cuncirnendu à pocu pressu 1,5 chilòmetri linearii : […]

Pà travaddi di rinnuvazioni, l’affittatori suciali Erilia ci hà missiunati da fà un rilevu tupugràficu cumplettu di a residenza Basacciu in Sartè : Impresa di i bastimenti asistenti è òpari diversi, pusiziunamenti altimètricu è pianimetria di l’accessi, parcheghji sterni, via appiccicata, reti è fili d’acqua apparenti, rilievu, vegetazioni è suddiccia rimarchevuli nantu i parti micca […]