l’uffizziu
Fundatu in u 1979, l’uffizziu Eyssette eserciteghja a so attività in pumonti (corsica suttana) da u rughjoni di u tàravu sinu à u stremu miridianu, nantu à i costi uccidentali è urientali, ma dinò sinu à l’internu di i tarri.
A noscia storia
Mentri un tempu longu, l’attività di l’uffizziu hè stata cintrata nantu à sparteri di famiddi, spertizii ghjudiziarii è nantu à prughjetti sviluppati da i cullettività pùbblichi.
Vistu l’attratività turìstica in crèscita ind’è l’ìsula, è dunqua di un sviluppu nicissariu di l’infrastutturi d’accolta privati quant’è pùbblichi, sta situazioni hà evoluatu pocu à pocu. À pàrtasi di l’annati 1990, a dumanda hà purtatu à u più nantu à staccamenti di tarreni da venda o da custruiscia, nantu à criazioni di luttisciamenti, è nantu à prughjetti di stradali.
I prughjetti di cuprupietà facìani dighjà parti di i pristazioni di l’uffizziu, ma cù à scarsità attuali di u fundariu, pìddani un impurtanza in crèscita.
Oghji, esercitemi l’insembiu di i missioni chì li tòccani à i giumetri-sperti : limiteri, prughjetti di divisioni, di spartimenti, di vèndita, o di scambii di beni fundarii pùbblichi quant’è privati, travaddi tupugàffichi (piani di liveddi, càlculi di cubaturi, rilevi d’internu è di facciati, etc…), prughjetti di cuprupietà (piani, stati discrittivi di divisioni, càlculi di tantiemi, leghji Carrez), impianti.
A noscia clientedda rispechja st’attività, postu ch’edda si cumponi in maiò parti di prupietarii fundarii particulari, dopu di cumuni, è d’impresi privati.
A squadra
(i veri ritratti ghjùnghjini, semi sempri una crìa in travaddi!)
