Spertìzii
Limitera Divisioni fundarii Cuprupietà Tupugraffìa Impiantu
Simulateur foncier FAQ
FR_CO
Français
04 95 77 09 85
Bornage

A limitera

A limitera hè l’oparata chi stabilisci i lìmiti di i prupietà privati.

A limitera hè un’oparata matiriali.

Si tratta d’identificà nantu u tarrenu I lìmiti (un muru prisenti par indettu) o di matirializà li par via di segni durèvuli.

Hè un’oparata ghjurìdica.

L’accordu indispinsèvuli di I prupietarii nantu à I lìmiti chì I spìccani hè furmalizatu in ducumenti chì solu I giumetri-sperti scritti à l’òrdini sò abilitati à ridattà.

A limitera hè definitiva.

S’impona à I prupietarii è vicinanti attuali o futuri.

Pà sapè ni di più

Cunsulteti u nosciu faq rilativu à a limitera.

COMU SI SVOLGHJI UNA LIMITERA?

01

Identificazioni di i prupietarii vicinanti : Intarrucazioni di u serviziu di a publicità fundaria, ricerchi in merria, inchiesta di vicinatu, raccolta di i tìtuli di prupietà, etc…

02

Rilevu tupugràffìcu in situ, ricerca è pusiziunamenti di l’elementi rimarchèvuli : lìmiti apparenti (muri anziani, sarrendi, etc…), segni prisenti, tracci varii, etc…

03

Studiu fundariu, ditarminazioni di i lìmiti : Stòricu di i parceddi, ricerca di ducumenti anziani, studiu di i tìtuli di prupietà, cunfrontu cù l’elementi raccolti in situ, approntu di u pianu di limitera è ridattu di u prucessu verbali di limitera.

04

Urganisazioni di a limitera : Scelta di una data cù u clienti, inviu di i cunvucazioni in limitera.

05

Riunioni di limitera in situ : Prisintazioni di u nodciu studiu fundariu, raccolta di i detti di i partiti, ricunniscenza è impiantu di i segni di lìmita, signatura di i ducumenti di limitera.

06

Raccolta di i signaturi mancanti (prupietarii assenti è micca raprisintati), diffusioni di ducumenti di limitera à i partiti, arrighjistramentu di l’oparati (Géofoncier, RFU).

Une question ?

FAQ
S’eiu vi ingaghju da fà una limitera di u me tarrenu, possu aspittà mi ni chì a lìmita sià à pro di mè ?

T’avemi un deuveri assulutu d’indipindenza è di neutralità. Quissa significheghja chè ùn prupunimi micca a cunfinata di limitera chì avantaghja l’una o l’altra di i partiti, ma quidda chì risorghji da a noscia anàlisi com’è essendu a bona. Ne più, nemmenu. 

Com’è a dìcini i testi di a prufessioni, u giumetru-spertu « ùn pò impona u so puntu di vista, ma solu cunsiglià, prupona è cunvincia lealmenti, in u rispettu assulutu di i diritti leghjìtimi d’ognunu. » 

Chì hè una limitera ghjudiziaria ?

In casu di fiascu di una limitera à bona à bona, hè pussìbuli di indirizzà si à u Tribunali Ghjudiziariu. À quidd’occasioni, un giumetru-spertu hè designatu da fà una pruposta di lìmita, quant’è in u casu di una limitera à bona à bona. Se u disaccordu c’hè sempri, hè u ghjùdici chì si prununcia nantu à a pusizioni di i lìmiti liticarini. 

In u vosciu èstimu, parleti di un « prucessu verbali di mancanza ». Di chì si tratta ?

A limitera com’è a pratichemi hè detta à bona à bona. Quissa significheghja ch’è pudemi prupona una lìmita. Sò i partiti chì dicìdini di validà la o micca. Tandu, un prupietariu pò ricusà a lìmita prisintata. U fiascu di una limitera pò essa u risultatu d’altri caghjoni : un tarrenu chì i prupietarii ùn rispòndini micca à i dumandi, o sò impussìbuli à identificà par indettu. In u casu sìmulu ridattemi ciò ch’omu chjama un prucessu verbali di mancanza, chì discriva chjaramenti i caghjoni ch’ani impiditu di compia a limitera. Stu prucessu verbali di mancanza hè diffusu à i partiti cuncirnati. A più impignata pò tandu decida d’indirizzà si à u Tribunali Ghjudiziariu da chera una limitera ch’ùn sarà più à bona à bona, ma ghjudiziaria. 

Socu statu/a cunvucatu/a à una limitera. Chì devu fà ?

Da chì u giumetru-spertu possi ditarminà i lìmiti in ubbiittività, hè impurtanti  ch’è vò li dèssiti una coppia di a voscia pezza d’identità è di u vosciu tìtulu di prupietà (chì pò cuntena infurmazioni di prima trinca nantu à i lìmiti di u vosciu tarrenu), è ancu tutti l’altri elementi chì vi pàrini pertinenti : pianu anzianu, cunvinzioni in attu privatu, currieru, etc… Da sapè ni di più, pudeti cunsultà u librettu d’infurmazioni editatu da l’Òrdini di Giumetri-Sperti. 

Da nuttà, ch’eddu ùn hè nicissariu di dà ci un strattu o un rilevu cadastrali : L’avemi dighjà. 

Ùn voddu limità ch`è una parti di u me tarrenu, chì cunnosciudighjà l’altri lìmiti : c’h è un vechju muru, una sarrenda, etc…

Una lìmita apparenti nantu u tarrenu hè ghjuridicamenti incerta. Una limitera sola rializata da un giumetru-spertu (o una limitera ghjudiziaria), matirializata o ricunnisciuta in situ è furmalizata da un pianu è un prucessu verbali di limitera signata da i prupietarii, pò guarantiscia definitivamenti una lìmita. 

Soli casi particulari : certi lìmiti naturali, par indettu i fiumi è vadini (fora di u duminiali). 

Limità da chì fà ? C’hè dighjà u cadastru !

À cuntrariu di un’idea bedda spartuta, i lìmiti raprisintati nantu u pianu cadastrali ùn sò chè indicativi, da più o menu, è mancu à pena guarantiti, com’è ni tistimuneghja una ghjurispudenza è una duttrina custenti da parechji dicenii. U cadastru t’hà un valori à u più fiscali : ghjova di basa à u càlculu di l’impòsiti fundarii, com’è u ramenta u nosciu artìculu nantu à stu sughjettu. 

Quandu fighjulgu a me parcedda cadastrali in u Geoportail, mi si pari chì certi òpari visìbuli nantu à a vista aerea avànzani ind’è mè. Chì possu fà ?

U pianu cadastrali hè indicativu è più o menu pricisu, è a so superpusizioni nantu i ritratti aerei aghjusta di più à l’impricisioni. Da cunvincia vi, vi basta à paragunà a pusizioni di i bastimenti nantu à u cadastru è nantu à i visti aerei : pudareti custatà guasgi sempri una diffarenza, à li volti impurtanti. U Geoportail hè un stuvigliu di prima trinca, ancu di più pà a cunniscenza di u tarritoriu. Ma ùn pò serva di prova pà quiddu tippu d’intarrugazioni. Solu una verìfica nantu à u tarrenu, cù misuri tupugràffichi, anzì una limitera, parmetta di sguassà u dùbitu. 

Aghju un dùbitu nantu i lìmiti di u me tarrenu, ma ùn chergu par avà fà una limitera. Chì sarà pussìbuli di fà ?

In quiddu casu, pudemi cunfizziunà ciò chè nò chjamemi un pianu di statu di i lochi, nantu à u quali impustemi òpari è accunciamenti rializati à l’orlu di i cunfini limitati. Piazzemi ancu i cunfini micca limitati, tal chì i prupunarìami se duvìami fà una limitera. 

Quissa parmetta in generali di sguassà u dùbitu, par indettu rilivendu un’avanzata furestera. 

Quali devi pagà i spesi di una limitera ?

L’artìculu 646 di u Còdici Civili urdineghja chì  « a limitera si faci à spesi cumuni ». Ma u testu ùn hè d’òrdini pùbblicu. Quissa significheghja ch’omu si ni pò frametta. 

À più spessu, u richiestori à l’oprata di limitera pidda in càrica l’unuriarii di u giumetru-spertu. 

I vicini poni quantunqua metta si d’accunsentu prima da sparta i spesi. In ogni casu, da assicurà a tranquillità di i partiti, u prucessu verbali di limitera discrivi i mudalità di rigulamentu accittati.  

Ùn voddu limità solu chì una parti di u me tarrenu, è micca u perimetru sanu sanu. Hè pussìbuli ?

Iè, pudeti da veru scedda di ùn limità chì una parti sola di u vosciu tarrenu. 

Certi di i me tàrmini sò spariti. Ci sarà bisognu à fà una limitera nova ?

Innò. Se a lìmità hè stata dighjà cunfinata, hè a modu difinitivu. Prucidemi intantu à ciò chè nò chjamemi « un ristoru di lìmita », ricirchendu è impantendu torna, s’eddu c’hè bisognu, i tàrmini o i segni spariti. À cuntrariu di a limitera, sta prucidura ùn hè cuntraditoria è ùn abbisogna micca l’accunsentu di i vicinanti. Avemi solu l’òbligu d’infurmà li di a data chì si passarani l’oparati, à i quali pudarani assista ben intesa. A prucidura privedi d’altrondi u ridattu di un prucessu verbali chì l’ugettu, trà altru, sarà d’allistinà i partiti prisenti. 

Chì attempu da rializà una limitera ?

Fora di i casi sìmplici, hè impussìbuli di guarantiscia l’attimpu di a rialisazioni di una limitera. Di fattu, a prucidura inghjena a raccolta è a messa in forma di l’accordu di parechji parsoni. Di volti ci pudemi cunfruntà à un vicinu chì ùn rispondi micca à i richiesti, o chì pidda tempu à risponda. Tuttu quissa allonga di sicuru l’attempi l’acquistu di i signaturi. Ben intesa, u giumetru-spertu ùn devi lascià i dimarchji allongà si troppu, è sicondu i casi, piantarà a prucidura è ridattarà unu o parechji prucessi verbali di mancanza. Ma puru sapemi valutà a cumplessità amministrativa di una limitera mentri l’approntu di un èstimu, è vi n’infurmaremi in tantu. Ma di règula, da a cummanda à u resu di i ducumenti difinitivi signati da i partiti, passani da unu à trè mesi. 

Chì sarìa u costu di una limitera ?

Risposta simplici à quidda dumanda ùn ci n’hè, chì u costu di una limitera dipendi di parechji fattori : a superficia è a tupugraffia di u tarrenu (ingombru, vighjetazioni, visibilità, …), u nùmaru di prupietarii vicinanti è a so natura (indivisu, cuprupietà, làscita, …), l’esistenza à casu d’oparati fundarii in ante prima (limitera, divisioni, …) etc. Ogni casu hè ùnicu. 

Pudeti cunsultà u nosciu artìculu nantu à u sughjettu da avè di più ditaglii è ancu una risposta cuncreta, ma a manera più bona di sapè quantu vi custarìa una limitera hè di dumandà ci un èstimu, par via di u nosciu furmulariu di cuntattu o chjamendu ci direttamenti. Basta à indittà ci i rifarenzi cadastrali di u tarrenu cuncirnatu (cumuna, sezzioni è nùmaru) è i lìmiti chè vò vuleti fà cunfinà. Vi cuntattaremi in a ghjurnata. 

Sarìa pussìbuli di pacà i vosci pristazioni in parechji volti ?

Iè, in trè o quattru volti senza spesi in più, è di manera simplicissima da carta bancaria. 

Toute notre FAQ

Vous avez un projet? une question?

Pour nous joindre

04 95 77 09 85
contact@cabinet-eyssette.fr

Nos réalisations

Lotissements de Sperone

LUTTISCIAMENTU DI SPERONE IN BUNIFAZZIU

Da circa u 1985 à u 1995, l’uffizziu à limitatu o ristabilitu1 tutti i lotti di i luttisciamenti di Sperone (Ciapilli, Falatte, Les Hauts de Sperone è Piantarella). Stu travaddu à longu andà ci parmetti di cunnoscia parfettamentu i lochi è d’avè una maestrìa tutali di i lìmiti di i lotti è di u situ. Cuntinuemi à travaddà ci à modu rigulari, da fà missioni fundarii è tupugràfichi, è à cumpiità di i nosci archivii ci parmetti d’intarvena in dimori è cundizioni meddi.

16 September 2024
Découvrir
Hôtel Bartaccia à Propriano

HÔTEL BARTACCIA IN PRUPIÀ

Sta cullaburazioni ci parmetta di mintuà unu di l’aspetti impurtanti di a prufissioni : l’archivii. In fattu, semi tinuti di cunsirvà li ab’eternu, al menu sinu à a ghjunta di un successori, chì li tuccarà ad’assicurà ni a priservazioni.

16 September 2024
Découvrir
Toutes nos réalisations

Nos derniers articles

Aucun contenu n’a été trouvé

Tous nos articles